Uyu uba ari umunsi w’ingenzi kuri Pueri Cantores

Uko Pueri Cantores zo muri Diyosezi ya Kabgayi zizihije umunsi wa Mutagatifu Dominiko Saviyo

Umuryango w’abana b’abaririmbyi (Pueri Cantores) ni umuryango wa agisiyo gatorika wisunga Mutagatifu Dominiko Saviyo nk’uko byatangajwe na Papa Piyo XXII ku itariki 8 Kamena 1956. Umunsi w’uwo murinzi mutagatifu wizihizwa ku itariki 9 Werurwe buri mwaka.

Kimwe n’abandi bana bose ku isi, uyu mwaka wa 2025, amatorero ya Pueri Cantores yo muri diyosezi yizihuje umunsi wa Mutagatifu Dominiko Saviyo umurinzi w’abana b’abaririmbyi hakorwa ibikorwa binyuranye hakurikijwe uko amatorero yagiye abitegura. Wabaye umunsi wo kongera kwisuzuma, no kwiyambaza Mutagatifu Dominiko Saviyo by’umwihariko.

1. Pueri Cantores Mushishiro

Nguku uko Pueri Cantores Mushishiro bizihije uyu munsi:

1. Hakozwe Noveni itegura umunsi nyirizina yatangiye tariki 28 Gashyantare isozwa ku wa 6 tariki 8 Werurwe n’igitambo cy’Ukwaristiya
2. Bahawe Isakramentu rya Penetensiya
3. Bahawe inyigisho ku gushengerera Yezu mu Isakramentu Ritagatifu ry’Ukaristiya, Inyigisho ku rugendo rw’ubutungane, n’ikiganiro ku mibereho ya Mutagatifu Dominiko Saviyo.
4. Baririmbye yo ku munsi wa Mutagatifu Dominiko Saviyo.
5. Bakoze umusangiro hagati yabo.

Ibi byose babifashijwemo n’abapadiri ba Pariwasi Mushishiro, Ababikira b’abavizitasiyo, n’abayobozi b’itorero.

• Pueri Cantores Kabgayi

P.C Kabgayi bizihije umunsi wa Dominiko Savio baririmba igitambo cya misa ya 11h00, nyuma yaho barahura basangira bombo ari nako biyibutsa ibyaranze Mt Dominiko Savio.

• Pueri Cantores Nyarusange

Ejo bizihije Umunsi wa Mutagatifu Dominiko Saviyo:

1. Baririmba Igitambo cya Misa i Saa 7:30′
2. Ikiganiro ku buzima bwa Mutagatifu Dominiko Saviyo
3. Amateka n’Amakuru y’Umuryango
4. Ubusabane

• Pueri Cantores Muyunzwe .
• Na yo yizihije uyu munsi wa Mutagatifu Dominiko Saviyo.

• Pueri Cantores Kabacuzi .
• Na bo uyu munsi barawizihije kandi wababereye mwiza.